Nuus

'n Anonieme brief is onlangs aan die burgemeester en raadslede van die Mangaung-metro gestuur. Hierin laat nuwe aantygings oor wanpraktyke in die metro se se afdeling vir mensehulpbronbestuur die kollig opnuut val op beweerde politieke inmenging en swak bestuur. Netwerk24 berig die brief sê sekere bestuurders plaas glo druk op personeel om vooraf bepaalde kandidate aan te stel sonder om die nodige prosedures te volg. Voorts word poste glo geskep of verander om by spesifieke i

'n Man is deur die Buffelshoek-polisie inhegtenis geneem vir die aanval op ‘n egpaar op hul plaas net buite Parys. Polisiewoordvoerder, kolonel Adéle Myburgh, sê die man het homself by die Parys-polisiestasie oorgegee. Hy het voorheen op die plaas gewerk. The Citizen berig die man word van huisroof aangekla. Rosestad-nuus het vroeër berig die verdagte het die vrou en haar dogter in die skuur op hul plaas met 'n sekel-agtige implement aangerand. Daarna het hy die man in die hu

Die ANC kritiseer die burgerregteorganisasie AfriForum oor die organisasie se onlangse versoek dat die Khampepe-kommissie ook ANC-lede wat by sake van die Waarheids- en Versoeningskommissie betrek is, moet ondersoek. Die ANC sê AfriForum wil die geskiedenis herskryf. Die party is van mening dat daar ʼn verskil is tussen dade wat gepleeg is as deel van die bevrydingstryd en misdade van apartheid. AfriForum het versoek dat die kommissie ondersoek moet instel na politieke inmengi

Bloemfonteiner Mirna Butler is as semifinalis in die AfriForum Sakenetwerk se Entrepreneur van die Jaar-kompetisie aangewys. Volgens Butler is dit ‘n groot eer om as semifinalis aangewys te word, maar sy voeg by die ware beloning is die oorweldigende ondersteuning van die gemeenskap asook haar vriende en familie. Meer as 450 entrepeneurs het sedert 2017 vir die kompetisie ingeskryf en meer as 25 000 lede van die publiek het vir hul gunstelinge gestem. Finaliste word volgende

Die Ouditeur-generaal (OG) het kommer uitgespreek oor die finansiële gesondheid van die Suid-Afrikaanse Uitsaaikorporasie (SAUK).  Die OG het die oudituitkomste van die boekjaar wat in Maart vanjaar eindig, ter tafel gelê, en het opgemerk dat die SAUK ernstige risiko’s in die gesig daar. Verder sê die OG dat die SAUK se banksaldo ‘n beduidende kontantvermindering toon. Intussen berig SABC News volgens die leier van die sake-eenheid by die OG, Nathan Lawnet, het die SAUK die.

Bloemfontein sal binnekort weer in pers getooi wees wanneer mans van regoor die stad, en die land, weer aan vanjaar se mees gewaagde pretdraf deelneem. Bloemnuus berig die Hollard Daredevil Run is nie net ‘n pretdraf nie – dit is ‘n herinnering om dapper te wees, en dus sal manne einde Oktober ter ondersteuning van kankerbewustheid, in niks anders as pers speedo’s en tekkies hardloop nie. Volgens KANSA se nasionale bestuurder van gesondheidsprogramme, Lorraine Govender, bied

Alle lesings is by die Universiteit van die Vrystaat (UV) se hoofkampus in Bloemfontein sowel as hul Suid-kampus is tot verdere kennisgewing opgeskort. Verder word beweging tussen 19:00 en 7:00 beperk. FS-online berig die UV se QwaQwa-kampus is gesluit en studente was versoek om die kampus binne 24 uur te verlaat. Die sluiting volg na voortdurende protesoptogte oor die universiteit se besluit om voorlopige registrasie vanaf 2026 te beëindig, asook oor 'n betwiste skuldkonsess

Die gebruik van kontant bly prominent in Suid-Afrika se informele ekonomie, wat sowat R900-miljard per jaar werd is. Standard Bank se nuwe Township Research Report toon dat byna 80% van klein sake in townships ongeregistreer is en hoofsaaklik op kontant staatmaak. Dit weens kliëntevoorkeur hoë bankkoste en beperkte digitale geletterdheid. Hoewel baie sakelui elektroniese betalings verkies, verkies kliënte steeds kontant. Die informele sektor dra sowat 12% tot die land se B

Die Bloemfonteinse polisiesersant, Nzima Adoons, wat meer as vier maande gelede in hegtenis geneem is vir die beweerde ontvoering van die 19-jarige Kamogelo Baukadi, het weer vlugtig in die hof verskyn. Netwerk24 berig die saak is tot 1 Desember vir vedere ondersoek uitgestel. Adoons wat vroeër vanjaar op borgtog van R2 000 vrygelaat is, bly op vrye voet onder streng voorwaardes. Adoons word daarvan beskuldig dat hy saam met ander mans in polisie-uniform betrokke was by die

Motoriste kan November die grootste daling in petrolpryse in sewe maande sien indien die huidige tendense voortduur. Volgens die Sentrale Energiefonds toon die middel-maand-syfers ’n oorverhaling van 58c per liter op 95-oktaan petrol en 61c per liter op 93-oktaan. Daar is ook ’n oorverhaling van 25c per liter op alle dieselgrade en 11c per liter op paraffien. Alhoewel dit ‘n potensiële daling toon, hang dit af van die rand, wat gister nog op die agtervoet was in vergelyking m

Vanjaar se Dove-musiektoekennings het die krag van samewerking en eenheid beklemtoon, terwyl Brandon Lake die aand se grootste eerbewyse verower het en die huis saam met Jelly Roll laat afsak het met een van die seremonie se mees onvergeetlike optredes. Die 56ste jaarlikse Dove-toekennings, wat by die Bridgestone Arena gehou is, het geloofsgedrewe kuns oor genres heen gevier, van aanbidding en hip-hop tot Latyn en country, met boodskappe van nederigheid, hoop en gedeelde doel

'n Snoeker-speletjie in ’n taverne in Ventersburg in die Vrystaat het tragies geëindig toe twee mans doodgeskiet en een in hegtenis geneem is. Netwerk24 berig met beamptes se aankoms op die toneel het hulle die lyk van ’n man naby die ingang van die taverne aangetref, terwyl nog ’n slagoffer binne die kroeg dood gevind is. Volgens voorlopige inligting het die mans snoeker gespeel toe ’n woordewisseling tussen hulle ontstaan het. Daar word beweer dat die twee slagoffers die ve

Die Portefeuljekomitee oor Basiese Onderwys het kommer uitgespreek oor die taalbeleid in sommige skole in die Vrystaat. Volgens die komitee laat die beleid slegs Afrikaans en Engels as onderrigtale van Graad 4 tot 12 toe. Ander tale word slegs tussen Graad 1 en 3 gebruik. Die komitee glo die beleid diskrimineer teen Afrikatale en bevoordeel Afrikaanssprekende leerders. Dit sê dat hoewel dit nie ‘n probleem met Afrikaans het nie, alle tale gelyk behandel moet word. Ter illustr

Die vermiste vrou van Welkom in die Vrystaat is gevind. Volgens 'n polisieverklaring is die 32-jarige Anuschka Janine Saunders veilig in Hamburg in die Oos-Kaap opgespoor. Rosestad-nuus het vroeër berig Saunders was vir vier maande vermis nadat sy op 27 Mei laas gesien was. Anuschka Janine Saunders. FOTO: Netwerk24

'n Tienerseun van Christiana in Noordwes het aan The Guinness Book of World Records geskryf om te bevestig dat hy moontlik die jongste persoon nóg is wie se navorsing in ʼn erkende sielkundejoernaal gepubliseer is. Die 16-jarige Handré Laubscher het reeds twee diplomas in sielkunde verwerf en is op pad om sy derde boek in sielkunde te publiseer. Hy is onlangs deur ʼn vooraanstaande sielkundejoernaal in die VSA genader om sy navorsing hieroor te publiseer. Maroela Media berig La

'n Egpaar op 'n plaas naby Parys in die Vrystaat is met ’n sekel-agtige implement aangerand. Volgens 'n vriendin, Annika Liebenberg, is die man steeds in die hospitaal, maar is sy vrou ontslaan nadat haar wonde met steke geheg is. Netwerk24 berig die vrou is Sondagoggend na die stoor om ’n seil te gaan soek, toe 'n rower agter 'n kwadfiets opspring. Hul een dogter, wat by hulle woon, het daar ingekom, en nadat hy hulle met die sekel bygekom het, het hy hulle in die skuur toeg

Daar is besluit dat die getuie wat Dinsdag en Woensdag voor die Madlanga-kommissie getuig, anoniem sal bly. Dit volg ná ’n onsuksesvolle poging deur News24 en Daily Maverick om die getuienis in die openbaar te laat hoor. Regter Mbuyiseli Madlanga het beslis dat een van die bewysleiers as tussenganger sal optree. Die getuie sal nie fisies by die kommissie teenwoordig wees nie, en sy of haar antwoorde sal deur advokaat Thabang Pooe herhaal en in die openbaar uitgesaai word. ’n

Die pa van ‘n 11-jarige seun wat glo ʼn plaaswerker doodgeskiet het, is op borgtog van R3 000 vrygelaat. Maroela Media berig die 43-jarige pa het in die Thabazimbi-landdroshof in Limpopo verskyn op aanklag van die nalatige hantering van ʼn vuurwapen. Die saak is tot 12 Desember vir verdere ondersoek uitgestel. Intussen sal die kind ʼn assesseringsproses ondergaan in ooreenstemming met die bepalings van die Wet op Kindergeregtigheid. ‘n Voorlopige ondersoek dui daarop dat die 11

Wedvlugduif, Salvo Rose, van Bloemfontein wat R550 000 op ‘n veiling behaal het, word as die duurste duif nog beskou wat in die Vrystaat geteel is. Netwerk24 berig die duif is die naweek deur ‘n Nederlandse wedvlugduif-teler gekoop. Altesaam het die 14 duiwe op die veiling meer as R2 miljoen behaal. Die veiling volg op die jaarlikse Afrikapro-wedvlug waarin Salvo Rose puik presteer het. President Cyril Ramaphosa se eendaghokke op sy plaas Phala Phala is vir die wedvlug gebrui

Suid-Afrika het 50 plekke op die Global Safety Index geval en is nou 129ste uit 166 lande, agter Israel en Ecuador. Die veiligheidsindeks het, volgens Business Tech , data van die Globale Vredesindeks en die Wêreldbank se Wêreldwye Bestuursaanwysers gebruik om te bepaal hoe lande presteer ten opsigte van veiligheid, politieke stabiliteit en die oppergesag van die reg. Volgens die maatskappy CS Global Partners word die daling toegeskryf aan gewelddadige misdaad, swak bestuur e

Die formele borgtogverrigtinge van ‘n Welkom-prokureur, Jan Maritz, is tot volgende week uitgestel, en sal in die hooggeregshof in Bloemfontein aangehoor word. Volgens Nova News is hy na Maandag se verhoor in aanhouding geplaas en het die nag in die Welkom-selle deurgebring hangende sy vervoer na die Grootvlei-gevangenis in Bloemfontein. Maritz is in hegtenis geneem op aanklagte van bedrog, diefstal, geldwassery en oortredings van die Wet op Regspraktyk waarby sowat R15 miljo

Die virale video wat President Cyril Ramaphosa saam met die beweerde tenderbedrog-meesterbrein, Hangwani Maumela, wys is volgens Ramaphosa ‘n ou video. Baie sosiale media-gebruikers het Ramaphosa met Maumela verbind nadat ‘n video opgeduik het wat Ramaphosa buite sy herehuis in Sandton wys tydens wat gelyk het soos ‘n fiksheidsstaptog. Die Spesiale Ondersoekeenheid het Maumela geïdentifiseer as ‘n sleutelfiguur in die Tembisa-hospitaal se verkrygingskandaal. Tydens ‘n media-i

Manstudente wat die naweek in hegtenis geneem is vir die die gooi van ‘n petrolbom na ‘n sekuriteitswagkamer op die Universiteit van die Vrystaat se Bloemfontein-kampus, het in die stad se landdroshof verskyn. Die ses studente is op waarskuwing vrygelaat, en sal volgens polisiewoordvoerder Lt Col Thabo Covane saam met die nege studente wat vroeër in hegtenis geneem is, weer op 4 November in die hof veskyn.   Die ses staan tereg op aanklag van kwaadwillige saakbeskadiging en p

Die Suid-Afrikaanse Polisiediens het in een week meer as 17 500 verdagtes vir verskeie misdade tydens die landwye Operasie Shanela in hegtenis geneem. Onder die verdagtes is byna 3 000 gesoekte verdagtes vir ernstige misdade, insluitend moord, roof, verkragting, seksuele aanranding en voertuigkaping. Beamptes het ook twee verdagtes in Mpumalanga in hegtenis geneem vir korrupsie wat die onwettige uitreiking van leerlinglisensies behels. ‘n Polisiewoordvoerder, luitenant-kolone