Nuus

Die Good-party sê baie jongmense verkeer onder die illusie dat finansiële verligting uit geleentheid eerder as volgehoue moeite kan kom. Dit volg op onlangse berigte dat sommige studente hul Nsfas-toelaes gebruik om aanlyn te dobbel. Volgens die party spruit die neiging uit ’n strewe na vinnige oorwinnings, wat risiko normaliseer en kitsukses ophemel. Good se jeugvoorsitter, Kaden Arguile, sê hierdie neiging ondermyn dissipline, ambisie en geloof in harde werk en volhoubare v

'n Facebook-video van 'n Graad 10-leerder van Milnerton High School in die Kaap wat deur 'n groep seuns aangeval word, het wydverspreide reaksie ontlok. Die insident het na bewering op 16 Oktober kort ná skool-ure plaasgevind, maar het eers 'n paar dae later op sosiale media verskyn. Dit wys hoe die 16-jarige leerder fisies en verbaal mishandel word terwyl ander leerders toekyk. TygerBurger berig die insident is deur 'n lid van die United Democratic Movement, Nqabayomzi Kwank

Feitlik ál die vlugtelinge wat jaarliks in Amerika toegelaat sal word sal Afrikaners wees – tot tot soveel as 7 000. Netwerk24 berig volgens The Washington Post het die Amerikaanse departement van buitelandse sake verder ’n doelwit gestel om teen einde Oktober 2 000 Afrikaners vir hervestiging te verwerk, en ’n verdere 4 000 teen einde November. Luidens die berig val die vermindering in vlugtelingtoelatings saam met ’n doelgerigte poging om duisende wit Suid-Afrikaners voor t

President Cyril Ramaphosa het die minister van Finansies, Enoch Godongwana, as waarnemende president aangestel tot volgende week Maandag 27 Oktober. Die aanstelling volg nadat Ramaphosa verskeie internasionale besoeke sal onderneem. Die adjunkpresident, Paul Mashatile, is in hierdie tyd met verlof. Ramaphosa besoek hierdie week Indonesië, Viëtnam en Maleisië, en later ook Switserland. Volgens die Presidensie is die doel van die besoeke om handels- en beleggingsbande te verste

Die Vrystaatse Polisie waarsku mense oor 'n bedrogspul wat tans die rondte doen waarin niksvermoedende slagoffers uit groot bedrae geld bedrieg word. Luidens ‘n mediaverklaring het 'n senior amptenaar van die Departement van Binnelandse Sake in Kroonstad onlangs ontdek dat haar selfoonnommer gekaap is, en deur onbekende verdagtes gebruik word om mense te mislei om geld te betaal in ruil vir beloofde werksgeleenthede of regeringskontrakte. Tot dusver is die polisie bewus gemaa

Met die kollig op Borskankermaand, is daar in die Oos-Vrystaatse dorp Bethlehem ʼn handtoestel wat primêre gesondheidswerkers in staat stel om knoppe in die bors vroegtydig op te spoor. Maroela Media berig die toets duur skaars tien minute, veroorsaak geen pyn nie, gebruik nie bestraling nie, en die verslag is onmiddellik beskikbaar. Sover is Bethlehem Clicks in die Sechaba Mall een van net drie Clicks-winkels in die land waar vroue teen ʼn bekostigbare tarief nou hul borste k

Vrystaat Landbou (VL) sê hulle is bekommrd oor die toename in saaddiefstal wat sedert September op plase in die Vrystaat voorkom. Parys Gazette berig volgens veiligheidsrisiko-analis, Jane Buys, sluit areas waar miljoene rande se mielie- en sonneblomsaad gesteel is onder meer Reitz, Ventersburg, Viljoenskroon en Wesselsbron in. Voorsitter van VL se Landelike Veiligheidskomitee, Jakkals le Roux, meen die diefstal gaan ’n enorme impak op boere se boerderypraktyke hê, veral te

Bloemfonteinse entrepreneur, Nicolase Lesapo, het ’n nuwe mobiele toepassing ontwikkel wat daarop gemik is om vertroue en deursigtigheid binne stokvelgroepe regoor Suid-Afrika en Lesotho te herstel. Free State World Online berig die innoverende platform, genaamd die Stockvel Management App, belowe om die bestuur en monitering van stokvels te transformeer. Vir dekades het stokvels – ’n gewilde spaarstelsel wat deur miljoene gebruik word – uitdagings van wantroue, swak rekordh

Vier raadslede van Bloemfontein se elektrisiteitsverskaffer, Centlec, het volgens die stad se burgemeester, Gregory Nthatsi, vrywillig bedank. SABC News berig dit volg op berigte deur sommige raadslede wat beweer dat die ontbinding van die raad aan politieke inmenging toegeskryf kan word. Die raad sê dinge het driftig geraak toe hulle die kwalifikasies van die uitvoerende hoof, Malefane Sekoboto, aangevra het - na berigte wat beweer het dat hy nie gekwalifiseerd is om in die

Sommige studente aan tersiêre onderwysinstellings gebruik hul Nasionale Studente Finansiële Hulpskema (NSFAS) toelaes om op aanlyn webwerwe te wed. Daily Maverick het met van die studente gepraat, en een so ’n student moes amper sy studies gestaak het nadat dobbelary tot finansiële verliese en onreëlmatige gebruik van familiefondse gelei het. Volgens ‘n kliniese sielkundige neem mense nie goeie besluite wanneer dit by dobbelverslawing kom nie. Dit beteken dat selfs wanneer h

Coca-Cola Beverages Group South Africa (CCBSA) kan moontlik sy aanlegte in Bloemfontein en Oos-Londen as deel van herstrukturering toemaak. Dit kom nadat 'n meerderheidsaandeel van CCBSA aan Coca-Cola HBC AG verkoop is. Business Tech berig die groep het Dinsdag in 'n verklaring gesê die transaksie behoort aan die einde van 2027 gefinaliseer te wees. Die groep sê daar is sprake van verlies van tot soveel as 680 poste, sowel as die sluiting van sommige aanlegte in Suid-Afrika.

Die Good-party sê hulle is gekant teen die DA se wetsontwerp wat poog om die land se Swart Ekonomiese Bemagtigingsbeleid te vervang. Die DA het Maandag dié Wysigingswetsontwerp bekendgestel. Die party sê die wetsontwerp sal alle rasgebaseerde verkrygingsbepalings herroep en vervang met ‘n stelsel wat armoede teiken. Good se Sekretaris-Generaal, Brett Herron, sê die DA wil eienaarskap van die land se ekonomie in die hande van apartheidbegunstigdes hou. Intussen berig Central N

'n Leeu wat van die Vrystaat af na Noordwes vervoer is, het ontsnap. Maroela Media berig 'n ondersoek is begin nadat video's op sosiale media versprei wat wys hoe die leeumannetjie op die R49 tussen Lichtenburg en Zeerust uit die dak van ’n sleepwa spring en dan in die pad stap. Volgens die provinsiale departement van ekonomiese ontwikkeling, omgewing, bewaring en toerisme is die leeu weer gevang. Voorlopige ondersoeke dui daarop dat daar moontlik ’n oortreding van die voorwa

Sportgeriewe wat skaars 15 jaar gelede in Theunissen in die Vrystaat gebou is, is nou so verwaarloos dat dit nie meer vir sy doel gebruik kan word nie. Netwerk24 berig die rugby-, en sokkervelde en die netbalbane is met gras toegegroei, wat dit onbruikbaar maak. Die munisipale muurbalbaan en landbou-saal word ook as “stoorplek” vir ou munisipale dokumente gebruik. 'n Inwoner van Theunissen sê die gebou is nie beveilig nie, die dak lek, dele van die dak is gesteel, vensters en

Die landbouorganisasie TLU SA verwelkom die DA se voorgestelde wysigingswetsontwerp, wat Swart Ekonomiese Bemagtiging met ’n behoefte-gebaseerde stelsel wil vervang. Die landbou-organisasie sê dit is tyd vir werklike gelykheid en ekonomiese groei gebaseer op meriete eerder as ras. Die uitvoerende hoof van die organisasie, Bennie van Zyl, sê ʼn rasgebaseerde beleid het korrupsie en verdeeldheid bevorder, eerder as werk en ontwikkeling. Hy pleit vir beleid wat armoede verlig en

Kabeldiewe in Harrismith het ’n vuur langs 'n substasie gemaak, en die hitte van die vlamme het die krag laat afslaan. Hierna het hulle die kabels gesteel. Netwerk24 berig inwoners van Harrismith het dus die afgelope tien dae net sporadies krag gehad. Die voortslepende kragprobleme op dié Vrystaatse dorp lei tot enorme verliese met inwoners wat genoop word om medisyne en kos weg te gooi omdat dit nie koud gehou kan word nie. DA-raadslid in die Maluti-a-Phofung-munisipaliteit,

Die premier van die Vrystaat, Maqueen Letsoha-Mathae verwelkom die oudit-uitkomste van die 2024-'25 finansiële jaar. Dit is deur die ouditeur-generaal, Tsakani Maluleke in Bloemfontein voorgelê. Nova News berig Letsoha-Mathae is tevrede met die algemene verbetering in oudit-uitkomste regoor die provinsie, wat sy sê toon verbeterde finansiële bestuurspraktyke en sterker kultuur van verantwoordbaarheid binne departemente. 'n Kritieke area vir verbetering is egter die behoefte o

Die Staande Komitee oor Openbare Rekeninge (Skoor) sê dis kommerwekkend dat die voormalige uitvoerende hoof van die Padongelukfonds, Collin Letsoalo, weier om voor hul ondersoek te verskyn. Letsoalo betwis Skoor se gesag om die fonds se finansiële sake te ondersoek. Hy is in April geskors ná die Spesiale Ondersoekeenheid (SOE) se ondersoek na ‘n huurkontrak vir die fonds se streekgebou in Johannesburg. Die SOE het bevind dat Letsoalo ingemeng het met die verkrygingsproses en

’n Onlangse studie het aan die lig gebring dat Suid-Afrika se jong professionele mense meer huiwerig is om hul eerste eiendom te koop. Volgens die Universiteit van Kaapstad se  Eerste 100 Salarisse”-verslag, het die gemiddelde ouderdom waarop jong professionele mense hul eerste huis koop, van 33 na 37 verskuif. Byna die helfte van die 700 gegradueerdes wat ondervra is, het ten minste twee jaar geneem nadat hulle hul eerste werk gevind het om uit hul ouers se huis te trek, ter

Nóg sewe gevalle van bek-en-klouseer is op plase in die Vrystaat bevestig. Volgens Landbouweekblad sluit dit ses nuwe gevalle in die Viljoenskroon-distrik en een by Sasolburg in, wat beteken dat daar nou in totaal 49 gevalle in die Vrystaat is.  Die uitvoerende hoof van die Rooivleisbedryfsdienste -  RMIS, Dewald Olivier, sê daar is ook ‘n moontlike geval by Leeudoringstad op hul stelsel aangemeld. Hy voeg by terwyl nuwe gevalle bevestig word, raak staatslaboratoriums toeneme

Terwyl miljoene Suid-Afrikaanse leerders in oorvol, vervalle klaskamers sit en van ʼn voedingsprogram vir kos afhanklik is, word die provinsiale onderwysdepartemente skerp gekritiseer oor die sowat R150 miljoen wat vir die 2024-’25-boekjaar terugbetaal moes word. Maroela Media berig die uitvoerende hoof van die Federasie van Beheerliggame van SuidAfrikaanse Skole (Fedsas), Jaco Deacon, het die situasie skerp veroordeel. Van die geld wat onbestee terugbetaal is, was juis bedoe

Finalejaar-PhD-student aan die department dierkunde en entomologie aan die Universiteit van die Vrystaat (UV) , Runé van der Merwe, is as een van agt ontvangers van die L’Oréal-Unesco-prys vir Vroue in die Wetenskap 2025 aangewys. Volgens Netwerk24 word die eer toegeken aan uitsonderlike vrouewetekenskaplikes aan die begin van hul loopbaan en wie se navorsing innoverend, volhoubaar en van groot waarde vir die samelewing is. Van der Merwe se werk fokus op bevolkingsekologie en

Die Suid-Afrikaanse Weerdiens (SAWD) spoor mense aan om voor te berei vir moontlike gevaarlike weerstoestande regoor die land. Die weerdiens het geel vlak twee en vier waarskuwings uitgereik vir erge donderstorms oor die Vrystaat, Gauteng asook die Noordwes en Noord-Kaap. Hierdie provinsies kan swaar reënbuie, skadelike winde, hael en gereelde weerlig verwag. Hulle waarsku ook dat die slegte weerstoestande oorstromings kan veroorsaak en infrastruktuur kan beskadig. Motoriste

AfriForum sê die feit dat president Cyril Ramaphosa erken het dat ’n gedeelte van die nuwe Onteieningswet moontlik ongrondwetlik is, bevestig hul vroeëre kommer oor die wet. Die president het in hofstukke wat deel vorm van AfriForum se saak teen die wet, erken dat Artikel 19 verkeerdelik bepaal dat onteiening kan plaasvind voordat ’n grondeienaar dit in die hof kan betwis. Die organisasie beweer die president het die wet onderteken ten spyte van hierdie moontlike grondwetlike