Alle Plasings

Die Grensbestuursowerheid (GBO) het ’n nuwe digitale stelsel by die Lebombo-grenspos bekendgestel om beamptes te help om voertuie te identifiseer wat vir inspeksie gekies moet word. Die Voertuig-teikenstelsel sal help om grensveiligheid te versterk deur intelligensiegedrewe optrede, slim outomatisering en geteikende voertuig-inspeksies. Die GBO se kommissaris, Mike Masiapato, sê die stelsel sal grensbeamptes help om hul werk meer doeltreffend te verrig. Hy voeg by Lebombo is

Ons begin met krieket: Die Flexbrands Knights het’n belangrike eerste oorwinning in die YesPlay Pro20-beker behaal toe hulle die CSA High Performance-span met 54 lopies geklop het. Die Flexbrands Knights het Sondag in Pretoria teen die High Performance-span kragte gemeet en met ’n stewige oorwinning hul veldtog in die T20-kompetisie voortgesit. Die Flexbrands Knights sal nou daarop fokus om dié momentum in hul volgende wedstryd te behou. In rugby-nuus: Die Toyota Cheetahs

’n Losprys van R3 miljoen is glo geëis vir die veilige vrylating van ’n man wat tydens ’n motorkaping in Villiers ontvoer is. Volgens die Vrystaatse polisie is die 35-jarige Nadim Hoshen deur twee mans oorval terwyl hy in sy motor by die hoek van Pearson- en Mainstraat gesit het. Die verdagtes het met sy voertuig weggejaag, wat later sowat vyf kilometer verder verlate gevind is. Die vermeende ontvoerders het die volgende dag glo sy familie gekontak. Hoshen is steeds vermis. I

Die Suid-Afrikaanse Inkomstediens (SAID) het weer finale aanmanings begin uitstuur aan trusts wat uitstaande inkomstebelastingopgawes moet indien. Dit volg ná ’n tydelike grasietydperk in Julie, toe die diens boetes vir sekere trusts gekanselleer het omdat hulle nie hul opgawes vir 2024 en 2025 ingedien het nie. Kommer oor die regsgeldigheid van die aanvanklike boeteproses het tot dié toegewing gelei. Tax Consulting South Africa doen ’n beroep op trusts om hul belastingnakomi

’n Donkievul wat op die terrein van die Oorlogsmuseum van die Boererepublieke in Bloemfontein gebore is, dra nou die naam Emily . Volgens Netwerk24 is die bruin vul kort voor die 100ste herdenking van Emily Hobhouse se begrafnis op 31 Oktober gebore. Phoebe Pretorius, wat die Hospice-winkel op die terrein bedryf, en haar man, Tokkie, die museumdirekteur, het besluit om die vul na Hobhouse te vernoem. Die vul is die tweede kleinding van die donkies Cleopatra en Sarel, wat in 2

Die polisie het 508 pare namaak-tekkies met ’n beraamde straatwaarde van R431 800 tydens ’n operasie in Bloemfontein gekonfiskeer. Volgens die polisie is ’n deursoekingslasbrief by ’n skoen- en klerehandelaar in St Georgesstraat in die middestad uitgevoer as deel van Operasie Shanela II. Die skoene het name van bekende handelsmerke gedra. ’n Ondersoekdossier is by die Parkweg-polisiestasie geopen weens ’n moontlike oortreding van die Wet op Namaakgoedere. Die polisie sê die o

Kenia het nog ’n Ebola-geval bevestig, wat die land se totale aantal besmettings op agt te staan bring. Volgens die direkteur-generaal van gesondheid, Patrick Amoth, is die jongste pasiënt nie ’n gesondheidswerker nie. Die man het die naweek koors, hoofpyn en spierpyn ontwikkel. Amoth sê die pasiënt is waarskynlik blootgestel aan Kenia se eerste Ebola-geval, wat vroeër vandeesmaand aangeteken is. Die eerste pasiënt was ’n man wat van die Demokratiese Republiek die Kongo na Na

Die MK-party het bevestig dat sy leier, Jacob Zuma, uit ’n hospitaal in KwaZulu-Natal ontslaan is. Volgens die party is Zuma by ’n hospitaal in Pietermaritzburg behandel nadat dokters tydens ’n roetine-ondersoek moegheid by hom opgemerk het. Die voormalige president het sedertdien na sy huis teruggekeer. Die party sê Zuma bly nou betrokke by die leiding van die organisasie en hou gereeld kontak met sy leierskap. Die party het sy mediese span en ondersteuners bedank vir hul be

Die Departement van Gesondheid sê die getal bevestigde gevalle van a-pokke in Suid-Afrika het tot 26 gestyg. Dit volg ná die bevestiging van vier nuwe gevalle. Die Wes-Kaap het die meeste gevalle met 18, gevolg deur Gauteng met drie. Die Oos-Kaap en die Vrystaat het elk twee gevalle aangeteken, terwyl KwaZulu-Natal een geval het. Die departement se woordvoerder, Foster Mohale, sê hulle sal voortgaan om saam met owerhede te werk om verdere verspreiding van die siekte te voorko

’n Jong man van QwaQwa het van die Namahadi-rivierbrug in die rivier beland nadat hy na bewering stemme gehoor het. Die Phuthaditjhaba-polisie se gemeenskapsdienssentrum het Saterdag ’n berig ontvang van ’n persoon wat in die water beland het. Volgens 'n polisieverklaring het die reddingspanne die jong man bewegingloos in die rivier gevind. Hulle het hom veilig na die rivieroewer gebring, waar daar vasgestel is dat hy nie kon beweeg nie. Hy is daarna per ambulans na ’n plaasl

Die Departement van Internasionale Betrekkinge en Samewerking is bekommerd oor die hernude toename in aanvalle in die Rooi See-streek. Die regering waarsku dat voortgesette geweld in die streek onstabiliteit verder kan vererger. Die departement doen ’n beroep op alle partye om selfbeheersing aan die dag te lê, diplomasie na te streef en op ’n konstruktiewe wyse gesprek te voer. Hy sê ’n blywende oplossing vir die konflik in Jemen moet deur inklusiewe onderhandelinge onder die

'n Voormalige veldwagter en ’n veearts is elk tot ’n effektiewe tien jaar gevangenisstraf gevonnis vir renosterstropery in die Kruger-wildtuin. Rodney Landela en Kenneth Mochocho het in die Skukuza-streekhof in Mpumalanga verskyn op aanklagte van die onwettige doodmaak van ’n renoster en die besit van ’n vuurwapen met die doel om ’n misdryf te pleeg. Die saak dateer uit 2016, toe veldwagters ’n pas doodgemaakte renoster ontdek het waarvan die horing verwyder is. DNS-, ballist

Die Nasionale Verbruikerskommissie sê met die nuwe nasionale Opt Out-register kan Suid-Afrikaners amptelik klagtes indien indien hulle steeds oproepe van telebemarkers ontvang, al word die oproepe geblokkeer. SABC-nuus berig die register is 'n gratis regeringsplatform waar verbruikers ongevraagde oproepe en elektroniese kommunikasie kan blokkeer. Volgens 'n verslag van TrueCaller het Suid-Afrikaners in die eerste ses maande van vanjaar 17,47 miljard ongevraagde oproepe ontvan

Die Film- en Publikasieraad doen ’n beroep op Suid-Afrikaners om goeie aanlyngewoontes te kweek om hulself teen kuberbedreigings te beskerm. Dit kom terwyl die land Kuberbewustheidsmaand vier. Die veldtog word gevoer onder die tema om dit nie vir misdadigers maklik te maak nie. Die raad beveel aan dat mense unieke wagwoorde vir verskillende rekeninge gebruik, tweefaktor-verifikasie aktiveer en verdagte boodskappe nagaan voordat hulle op skakels klik. Dit moedig die publiek oo

Die polisie in KwaZulu-Natal is op soek na ’n persoon van belang wat moontlik inligting het wat kan help met die ondersoek na ’n moord by ’n Boxer-winkel in Eshowe. Drie werknemers is verlede naweek by die winkel doodgeskiet. Die skietery is op kringtelevisiekameras vasgelê, en die beeldmateriaal het sedertdien wyd op sosiale media versprei. ’n Voormalige werknemer, wat die winkel besoek het vir ’n interne dissiplinêre verhoor, het na bewering op die vroue losgebrand. Die pol

Die Withuis se perssekretaris, Katie Zacharia, is Vrydag ná vyf dae in dié hoëprofielpos uit haar pos gestoot. Dit volg op ’n reeks flaters wat verdere afleiding veroorsaak het vir haar president, Donald Trump, wat reeds onder druk verkeer. IOL berig die tekens was vroeër reeds daar toe Trump dit duidelik gemaak het dat hy bereid is om van sy pas aangestelde woordvoerder afskeid te neem. Dit volg te midde van kritiek dat sy voorgegee het dat sy ’n prokureur is, asook die wyd

Die Good-party het sy oproep hernu dat die regering die huidige maatskaplike noodlenigingstoelaag (SRD-toelaag) met ’n basiese inkomstetoelaag vervang. Volgens Good se sekretaris-generaal, Brett Herron, beloop die maandelikse toelaag van R370 sowat R12,30 per dag. Hy sê dit dek slegs 43 % van die daaglikse koste om genoeg kos te koop om in ’n mens se basiese energiebehoeftes te voorsien. Herron voer aan dat die SRD-toelaag nie voldoen aan die staat se grondwetlike plig om te

Die voormalige president Jacob Zuma se dogter, Duduzile Zuma-Sambudla, is bekommerd oor haar pa se veiligheidsreëlings en mediese sorg. Sy het 'n klag hierooor by die hoof van die Presidensiële Beskermingsdiens, generaal-majoor Wally Rhoode, ingedien. In ’n brief aan Rhoode verlede maand het Zuma-Sambudla ’n ondersoek aangevra. Sy het gewaarsku dat sy Rhoode se kantoor aanspreeklik sal hou indien enigiets met die leier van die MK-party sou gebeur. Een van die belangrikste bew

Die Valke in die Wes-Kaap het gister ’n 42-jarige verdagte in hegtenis geneem nadat hulle ’n onwettige laboratorium in Rondebosch ontmantel het. Die man is aangekla van die oortreding van die Wet op die Beheer van Medisyne en sal na verwagting Maandag in die Wynberg-landdroshof verskyn. Valke-lede het die laboratorium tydens ’n intelligensiegedrewe operasie ontdek. Hulle het masjinerie gevind wat na bewering gebruik is om Med-Lemon te vervaardig, asook bokse met sakkies Med-L

'n Tienermeisie van Virginia in die Vrystaat het onlangs haar derde boek gepubliseer. Netwerk24 berig die 15-jarige Ruzé Lombaard se debuutboek, Maanplante, is reeds in gedrukte formaat beskikbaar, terwyl haar tweede boek, The Cursed Town, in September en die derde boek, Beneath the Waves, in Oktober digitaal uitgebring is. Die laaste twee se gedrukte weergawes word later verwag. Lombaard sê Beneath the Waves neem lesers na ’n fantasiewêreld van geheimsinnige wesens, antieke

Die Suid-Afrikaanse Maatskaplike Sekerheidsagentskap (SASSA) het hersiene betaaldatums vir maatskaplike toelaes vir November aangekondig in aanloop tot die komende munisipale verkiesing. Bejaardes sal hul toelaes op 30 Oktober ontvang. Ongeskiktheidstoelaes sal op 2 November betaal word en kindertoelaes op 3 November. SASSA sê 5 November is gereserveer vir begunstigdes wie se toelaes onder hersiening is. Ter illustrasie. FOTO: IOL

Die Vereniging van Staatsamptenare (VSA) doen ’n beroep op die regering om die lewenskoste en die ekonomiese welstand van werkers voorkeur te gee in die Mediumtermyn-bestedingsraamwerk. Die VSA waarsku dat stygende voedsel-, brandstof-, elektrisiteits- en vervoerkoste toenemende druk op staatsamptenare en huishoudings plaas. Dit wil hê die raamwerk moet voorsiening maak vir salarisaanpassings om werkers se koopkrag te beskerm, asook uitgebreide afstand- en hibriede werkreëlin

Grey Kollege Sekondêr het sy nuwe skoolhoof aangekondig. Jurie Geldenhuys sal vanaf 1 Januarie 2027 die leisels oorneem, en sal die 15de skoolhoof sedert 1855 wees. Sy aanstelling volg nadat die huidige skoolhoof, Braam van Wyk, vroeër vanjaar aangekondig het dat hy aan die einde van die jaar aftree. Geldenhuys is sedert 2015 die skoolhoof van Grey-kollege se laerskool. Volgens 'n verklaring sê die voorsitter van Grey-kollege se beheerliggaam, Jan Harm Greyling, volhoubare le

Veertien mense is in hegtenis geneem tydens 'n polisie-operasie wat op onwettige mynbou in Welkom, Odendaalsrus en Theunissen gemik was. Die polisie in die Vrystaat sê beamptes het op 207 kg vermoedelik goudhoudende materiaal, saam met grawe, 'n pik en 'n graaf, beslag gelê. Twee mans is in Welkom in hegtenis geneem nadat hulle na bewering met 157 kg van die materiaal gevind is. Drie vermeende onwettige mynwerkers is in Odendaalsrus in hegtenis geneem, waar die polisie op nog